ಈ ಸಂದರ್ಭದಲ್ಲಿ ಮಾತನಾಡಿದ ಶ್ರೀಗಳು, ಭಗವದ್ ಗೀತೆಯು ಕೇವಲ ಹಿಂದೂಗಳ ಧರ್ಮಗ್ರಂಥವಾಗಿ ಸೀಮಿತವಾಗಿಲ್ಲ, ಅದು ಮಾನವನಾಗಿ ಹುಟ್ಟಿದ ಪ್ರತಿಯೊಬ್ಬ ವ್ಯಕ್ತಿಗೂ ಯಶಸ್ಸಿನ ಗುಟ್ಟು ತಿಳಿಸುವಂತಹ ಗ್ರಂಥ. ಭಗವದ್ ಗೀತೆಯು ನಮ್ಮ ಜೀವನದ ಪಯಣದಲ್ಲಿ ದಾರಿ ದೀಪ ಇದ್ದಂತೆ. ಅದು ಸರಿಯಾದ ಮಾರ್ಗದಲ್ಲಿ ಮುನ್ನಡೆಸುತ್ತದೆ. ಭಗವದ್ ಗೀತೆ ಓದುವುದರಿಂದ ಮನಸ್ಸು ಧೃಡವಾಗಿ, ಸರಿಯಾದ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಸಹಕಾರಿಯಾಗುತ್ತದೆ. ಚಿಕ್ಕ ವಯಸ್ಸಿನಲ್ಲೇ ಭಗವದ್ ಗಿತೆಯನ್ನು ಓದಿದರೆ, ನಮ್ಮ ಜೀವನವನ್ನು ಅರ್ಥಪೂರ್ಣವಾಗಿ ಕಟ್ಟಿಕೊಳ್ಳಲು ಸಹಕಾರಿಯಾಗುತ್ತದೆ ಎಂದು ಸಂದೇಶವಿತ್ತರು.